Җәмгыять 4 декабрь 2017 04:00

Лениногорски районының Урдалы китапханәсендә мөмкинлекләре чикләнгәннәр белән очрашу үткән

Очрашуга балачактан инвалидлар чакырылган иде.

Скопировать ссылку

(Лениногорск, 4 декабрь, "Татар-информ", "Заман сулышы"). Лениногорски районы Урдалы китапханәсендә мөмкинлекләре чикләнгәннәр белән очрашу үткән, дип яза җирле басма.

Очрашуга балачактан инвалидлар чакырылган иде. Алар өчен Фәнис Яруллин һәм Гакыйл Сәгыйров китапларыннан китап күргәзмәсе оештырылды.

Очрашуда катнашучылар кургәзмә белән таныштылар, бу ике язучы-шагыйрьнең биографияләрен һәм китапларыннан берничә шигырьне тыңлап үттеләр. Аннары әңгәмә чэй табыны артында дәвам итте.Кем нәрсә белән шөгыльләнүләре турында фикер алыштылар. Мәсәлән, Бикбов Мөнир җәй көне балыкка йөрүе турында сөйләде. Аларның, сәламәтлекләре әллә ни шәптән булмаса да, һәркайсының үзенең нинди дә булса шөгыле булу куандырды. Кунаклар төрле уеннар да уйнадылар, татар көенә рәхәтләнеп биеделәр. Елдагыча, бу очрашудан бик кәнагать булып, оештыручыларга рәхмәтләрен әйтеп таралыштылар.

#Лениногорск #Заман сулышы

Сәхифәләр

Лениногорски районының Урдалы китапханәсендә мөмкинлекләре чикләнгәннәр белән очрашу үткән