Лениногорск ЗАГС бүлегендә махсус хәрби операциядә катнашучы никахын рәсмиләштергән
Скопировать ссылку
Лениногорскиның ЗАГС бүлегендә махсус хәрби операциядә катнашучы ир-ат сөйгәне белән никахын рәсми рәвештә теркәгән. Хәрби хәзерге вакытта ялга кайткан һәм сөйгәне белән мөнсәбәтләрен законлаштырды. Бу хакта «Заман сулышы» хәбәр итә.
Алар никахны теркәү актларына үзләренең имзаларын куйды. ЗАГС белгече аларга гаиләнең беренче документын - язылышу турында таныклык тапшырды.
Хәрби Ф. һәм кәләш Ильмира Тәлгатовнаны яңа гаилә барлыкка килү белән Башкарма комитет җитәкчесенең социаль мәсьәләләр буенча урынбасары Гөлнара Вагизова котлады. Аларга гаилә бәхете, исәнлек, матур тормыш теләде.