Спорт 10 ноябрь 2019 03:05

Лениногорск спортчылары грек-рим көрәше буенча җиңү яулап кайтты

Турнирга ике йөздән артык спортчы Мәскәү, Санкт-Петербург, Удмуртия, Марий Эл, Рязан, Оренбург өлкәләреннән, Татарстаннан килде.

Скопировать ссылку

(Лениногорск, 10 ноябрь, "Татар-информ", "Заман сулышы"). Марий Элның Волжск шәһәрендә грек-рим көрәше буенча Леонид Лобаницкий истәлегенә төбәкара турнир узды. Анда Лениногорск спортчылары да катнашты. Бу турыда район басмасы хәбәр итә.

Шәһәрнең 3нче спорт мәктәбеннән үз үлчәү авырлыгында Роберт Шәймөхәммәтов икенче урын алды. Станислав Никифоров, Ильгинар Хәйбрахманов үз үлчәү авырлыгында өченче урын алдылар.

Әлмәттә грек-рим көрәше буенча шәһәр беренчелеге үтте. Ярышларда Бөгелмә, Зәй, Яр Чаллы, Түбән Кама, Чистай, Әлмәт, Лениногорскидан 2006-2008 елгы яшүсмерләр катнашты.

Үз үлчәү категориясендә Әмирхан Хәбиров җиңүче булды. Артем Давлетшин, Кирилл Бердников, Тимур Гиниатуллин икенче урын алды. Пьедесталның өченче баскычында – Руслан Моисеев.

#Лениногорск #Заман сулышы

Сәхифәләр

Лениногорск спортчылары грек-рим көрәше буенча җиңү яулап кайтты