Лениногорск районында ике кеше гомере өзелгән һәлакәттән фотолар барлыкка килде
Лениногорск – Карабаш юлының 4нче километрында фура “УАЗ” белән бәрелешкән.
Скопировать ссылку
(Казан, 14 гыйнвар, “Татар-информ”). Социаль челтәрләрдә Лениногорск районында ике кеше гомере өзелгән һәлакәт фотолары барлыкка килде.
Россия Эчке эшләр министрлыгының Татарстан Республикасы матбугат хезмәте хәбәр итүенчә, “УАЗ” йөртүчесе һәм бер пассажиры һәлак булган, ике пассажиры төрле җәрәхәтләр белән хастаханәгә озатылган. Орел өлкәсе номерлары белән “МАН” каршы юлга чыгып, Татарстан нефтьчеләре вахтасы утырган “УАЗ”га килеп бәрелгән.
