Лениногорск районы "Бәйге" ат чабышларына әзерләнә
Анда атлар болын-кырлар буйлап, ерак арага чаба, шулай итеп аларның чыдамлыгы сыналачак.
Скопировать ссылку
(Казан, 11 май, "Татар-информ", "Заман сулышы"). 18 май көнне Лениногорск районы Югары Каран авылы янындагы "Алмакай" атлар утарында ат чабышлары - "Бәйге" узачак.
"Бәйге - ул төрки халыкларда ат чабышлары уздырып, традицион милли күңел ачу чарасы. Анда атлар болын-кырлар буйлап, ерак арага чаба, шулай итеп аларның чыдамлыгы сынала.
Әлеге ат чабышлары районда зурлап, менә берничә ел үткәрелә, аны татар атларын үрчетүче фермер Фәрит Нәбиуллин оештыра.
Бу көнне 2,3, 4 һәм аннан да зуррак татар атлары чабышы булачак.
Программада шулай ук атка атланып, җәядән ук ату каралган. "Кыз куу", "Аударыш" уеннары да булачак.