Лениногорск Картлар һәм инвалидлар йортында Сабантуй булды
Скопировать ссылку
Лениногорск Картлар һәм инвалидлар йортында Сабантуй бәйрәме узды. Бәйрәм жыр-моңга, милли уеннарга бай булды. Шәһәрнең үзешчән артистлары - «Дуслык» һәм «Сүнмәс ялкын» ансамбльләре матур жырлар башкарды. Гармунчылар моңлы көйләр уйнады. Бу хакта «Заман сулышы» сайтында Рамия Гарифуллина яза.
Бәйрәмне алып баручы Исламия Галимова анда яшәүчеләр белән кашыкка йомырка куеп, чиләк белән су күтәреп йөгерү, чүлмәк вату - барысын да уйнатты.
Яшьләре олы булуга да карамастан, анда яшәүче бабайлар көрәштә, мендәр белән бәрелештә бик теләп катнашты.
Монда яшәүчеләргә бәйрәм бик ошады, артистларга тагын килүләрен теләп калдылар.