Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Лениногорск йөзүчеләре республика ярышларыннан ике алтын медаль алып кайткан
Лениногорскиның «Юбилейный» бассейны йөзүчеләре, 5 нче апрельдә узачак бассейн Кубогына традицион ярышларга зур уңышлар белән бара. Моннан берничә көн элек Минзәлә шәһәрендә йөзү буенча республика ярышлары узды. Бу бәйгедә Татарстанның 600дән артык иң көчле яшь йөзүчесе катнашты, дип яза «Заман сулышы» газетасы.
Лениногорск командасында «Юбилейный» бассейнында тәрбияләнүче 14 бала чыгыш ясады. Аларның барысы да яхшы нәтиҗәләр күрсәтте, күбесе тиешле спорт разряды нормаларын үтәде яки раслады.
Лениногорск йөзүчесе Софья Шәйхетдинова 100 метрга брасс белән йөзүдә ярышларның чемпионы булды. Шул ук дистанциядә Диана Петрова көмеш медаль яулады.
Төрле дәрәҗәдәге бәйгеләрдә үзенең уңышлы чыгышлары белән сөендереп килүче Анастасия Кожевникова бу юлы да сынатмады. Ул 100 метрга комплекслы йөзүдә бронза яуласа, шул ук арага баттерфляй стиле белән йөзеп, узышуларда чемпион булды.
Алда яшь йөзүчеләрне «Юбилейный» бассейны Кубогы көтә. Бу җитезлек һәм осталыкка көч сынашуларда Татарстан һәм Башкортстаннан иң көчле спортчылары чыгыш ясаячак, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз