Җәмгыять 23 ноябрь 2017 01:00

Лениногорск халкын кеше хокуклары буенча вәкил Сәрия Сабурская кабул итте

Алар арасында торак мәсьәләсен хәл итүне, җир участогына милек хокукын рәсмиләштерүдә ярдәм сораучылар, суд карары белән белән килешмәүчеләр дә бар.

Скопировать ссылку

(Лениногорск, 23 ноябрь , “Татар-информ”, “Заман сулышы”). Лениногорскилыларны Татарстанда Кеше хокуклары буенча вәкаләтле вәкил Сәрия Сабурская кабул итте, дип хәбәр итә район газеты.

Кеше хокуклары буенча вәкил тарафыннан мондый кабул итү халык өчен бик яхшы мөмкинчелек иде, бушлай юридик консультация дип тә әйтергә мөмкин. Ул көнне Сәрия Харисовнага кабул итүгә тугыз кеше язылган иде.

Лениногорскилылар төрле гозерләр белән килде. Алар арасында торак мәсьәләсен хәл итүне, җир участогына милек хокукын рәсмиләштерүдә ярдәм сораучылар, суд карары белән белән килешмәүчеләр дә бар иде. Сәрия Сабурская һәрберсен дикъкат белән тыңлап, проблеманы чишүдә ярдәм итәргә тырышты, киңәшләрен бирде. Кайбер мәсьәләләр буенча тиешле органнарга мөрәҗәгать итәсен әйтте.

#Лениногорск #Заман сулышы

Сәхифәләр

Лениногорск халкын кеше хокуклары буенча вәкил Сәрия Сабурская кабул итте