Лениногорск балалар йорты командасы чаңгы ярышларында икенче урынны алды
Скопировать ссылку
Лениногорск балалар йорты командасы чаңгы ярышлары буенча республика беренчелегендә 2 урын алды.
Ярышлар ятим балалар һәм ата-ана тәрбиясеннән мәхрүм калган балалар интернат-мәктәпләрдә тәрбияләнүчеләр арасында үткәрелде һәм Татарстан Республикасында Милли мәдәниятләр һәм гореф-гадәтләр елына багышланган иде. Бу хакта «Заман сулышы» сайтында хәбәр ителә.
Ярышлар Минзәләдә узды. Лениногорск Балалар йорты командасы белән тагын 9 команда катнашты. Алар Нурлат, Чистай, Түбән Кама, Әлмәт, Алабуга, Лаеш, Минзәлә һәм Казаннан килгән иде.
Ярышта Лаеш командасы беренче урынны алды.