Татар дөньясы 3 июнь 2023 17:19

Ленинград өлкәсендә Сабан туе 1 июльдә була

Скопировать ссылку

Ленинград өлкәсе Дуслык йортында «Сабантуй 2023» бәйрәмен үткәрүгә әзерлек турында киңәшмә булды. Быел бәйрәм 1 июльдә Ленинград өлкәсе Всеволожск районы Энколово авылыннан ерак түгел әзерләнгән мәйданчыкта уза.

Киңәшмәне өлкәнең Җирле үзидарә, милләтара һәм конфессияара мөнәсәбәтләр комитеты рәисе Лира Бурак үткәрде. Бу хакта Татарстанның Санкт-Петербургта һәм Ленинград өлкәсендә Даими вәкиллеге матбугат хезмәте хәбәр итә.

Чарада Татарстанның Санкт-Петербургта һәм Ленинград өлкәсендә даими вәкиле Ренат Вәлиуллин, Санкт-Петербургның Татар милли-мәдәни мохтарияте рәисе Рәис Яркәев, Санкт-Петербург һәм Ленинград өлкәсенең профильле комитетлары вәкилләре катнашты.

Көн тәртибенә Сабантуй үткәрү өчен инфраструктураны төзекләндерү һәм әзерләү эшләрен оештыру, сәүдә оештыру, иҗади һәм спорт программасын әзерләү мәсьәләләре куелган иде.

Сәхифәләр

Ленинград өлкәсендә Сабан туе 1 июльдә була