Җәмгыять 20 ноябрь 2009 12:38

Ленинград өлкәсе "Юлдаш" татар-башкорт җәмгыятенә - 10 ел

Шушы көннәрдә Ленинград өлкәсе Гатчина шәһәрендәге "Юлдаш" татар-башкорт җәмгыяте юбилеен билгели

Скопировать ссылку

(Санкт-Петербург, 20 ноябрь, “Татар–информ”, Зәрия Хәсәнова). Шушы көннәрдә Ленинград өлкәсе Гатчина шәһәрендәге "Юлдаш" татар-башкорт җәмгыяте юбилеен билгели. Әлеге җәмгыять моннан 10 ел элек төзелде. Бу вакыт эчендә биредә яшәүче милләттәшләр һәм якташлар күп сокланырлык эшләре белән танылырга өлгерде.
Гатчинада һәр милли бәйрәмне, халык йоласын билгеләп үтү хәзер матур гадәткә әйләнде. "Юлдаш"ны Ленинград өлкәсе Юстиция идарәсендә теркәтү өчен активистлар Фоат Җәләев, Лилия Нуретдинова һәм Венера Миндебаева башлап йөри. Җәмгыять татар теле һәм ислам мәдәниятен өйрәнү буенча якшәмбе мәктәбе ача. Кызганычка каршы, бүген биредә туган тел өйрәнелми. Әмма татар мәдәниятен өйрәнү буенча төрле чаралар – лекцияләр, концертлар оештырыла. Сания Кормакаева укыган мөнәҗәтләр аеруча дулкынландыргыч.
Биредә милли чараларга балаларны да җәлеп итүләре матур үрнәк.

Сәхифәләр

Ленинград өлкәсе "Юлдаш" татар-башкорт җәмгыятенә - 10 ел