Ленария Мөслим Татарстан министрлыкларын икетеллелек кулланылышына тәнкыйтьләде
Бөтендөнья татар яшьләре форумы рәисе сүзләренчә, хәбәрләр иске, рус һәм татар телләрендә параллель рәвештә чыкмый.
(Казан, 26 апрель, «Татар-информ», Зилә Мөбәрәкшина). Бөтендөнья татар яшьләре форумы рәисе Ленария Мөслим Татарстан министрлыкларының Тел канунын үтәүгә карата тәнкыйть сүзләрен әйтте. Бу хакта ул «Мин татарча сөйләшәм» акциясенең туры эфирында сөйләде.
«Министрлыкларга килгәндә, без аларның сайтларын, социаль челтәрләрен тикшердек. Дөресен әйткәндә, хәбәрләре иске. Тәрҗемәче тәрҗемә итәргә өлгермичә калганмы — белмим, әмма соңарып чыккан хәбәрләр күп. Мәгълүмат параллель рәвештә русча да, татарча да чыга бармый», — дип әйтте ул.
«Мин татарча сөйләшәм» төркеменең рәсми битендә урнаштырылган статистикага күз салсак, икетеллелек кулланылышы буенча «тырышырга кирәк» дигән бүлеккә Авыл хуҗалыгы һәм азык төлек, Сәнәгать һәм сәүдә, Мәгариф һәм фән министрлыклары һ.б. кертелгән.