Латвиядә рус мәктәпләрен тулысынча латыш теленә күчерәләр

Латвия президенты мәктәптә белем бирүне тулысынча латыш теленә күчерү "яшьләрнең барысы өчен дә тигез мөмкинлекләр тудыра" дип исәпли.

Скопировать ссылку

(Казан, 2 апрель, "Татар-информ"). Латвиядә рус мәктәпләрен тулысынча латыш теленә күчерәләр. Бу турыда "Вести" каналы хәбәр итте.

"Болай эшләү җәмгыятьне берләштерә, дәүләтне көчлерәк итә", - дип белдергән дәүләт башлыгы Раймондс Вейонис.

Милли азчылык мәктәпләре реформасы расланган. Бу турыда Латвия президенты матбугат хезмәтенә сылтама белән ТАСС хәбәр итте.

Вейонис фикеренчә, мәктәптә белем бирүне тулысынча латыш теленә күчерү "яшьләрнең барысы өчен дә тигез мөмкинлекләр тудыра".

Моңа кадәр Россия Тышкы эшләр министрлыгы Латвия хакимиятен әлеге адым ике ил арасындагы мөнәсәбәтләрне катлаулыландырачак дип кисәткән иде.

#латыш теле