Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ларионова: Татарстанда ун мең инвалид өч ел эчендә торак белән тәэмин ителәчәк
Әлеге максатларга өстәмә рәвештә 7 миллиард сумга якын акча бүлеп бирелгән.
(Казан, 2 декабрь, «Татар-информ», Наталья Рыбакова). Алдагы өч елга Татарстан бюджетын раслаган вакытта республикада яшәүче инвалидларны торак белән тәэмин итү өчен өстәмә рәвештә 7 миллиард сумга якын акча бүленгән.
РФ Дәүләт Думасы Федераль Җыены депутаты Татьяна Ларионова бүген «Бердәм Россия» партиясенең иҗтимагый кабул итү бүлмәсендә узган туры эфир вакытында шулай дип белдерде.
«Безгә инвалидлар торак белән тәэмин итү мәсьәләсе буенча еш мөрәҗәгать итә. Шул уңайдан сайлаучыларны шатландырасым килә. „Бердәм Россия“ партиясе тырышлыгы белән, алдагы өч елга бюджетны раслаган вакытта сәламәтлек мөмкинлекләре чикләнгән кешеләрне торак белән тәэмин итү өчен өстәмә рәвештә 7 миллиард сумга якын акча бүлеп бирелде. Нәтиҗәдә, 10 меңнән артык кеше өч ел эчендә торак белән тәэмин ителәчәк», — диде ул.
Кызыклы яңалыкларны күзәтеп бару өчен Телеграм-каналга язылыгыз