Лаос делегациясе «Татарстанда җитештерелгән» казанышлар күргәзмәсен карады
Бүген Лаос делегациясе Казанның Уникаль осталык үзәгендә оештырылган Татарстан казанышлары күргәзмәсен карады. Делегацияне Лаос Премьер-министры Сонексай Сипхандон җитәкләде. Кунаклар өчен экскурсияне Татарстан Республикасы яшьләр эшләре министры Азат Кадыйров үткәрде.
Кунаклар истәлеккә фотога төште. Лаос Премьер-министры теләкләр китабына теләкләрен язды.
Фото: © Салават Камалетдинов, «Татар-информ»
Күргәзмә экспозициясендә Татарстанның 90нан артык компаниясе һәм оешмасы катнаша. Кунаклар өчен эчтә һәм тышта гомуми мәйданы 4 мең квадрат метрдан артык булган күргәзмә зоналары оештырылган.
Урам экспозициясендә 30 төрле техника үрнәге тәкъдим ителгән. Экспонатлар арасында «Ансат-М» вертолеты, «КАМАЗ», «СОЛЛЕРС» автомобильләре линейкасы, «АТОМ» электромобиле, автобуслар, авыл хуҗалыгы машиналары, мобиль медицина комплекслары һәм Татарстан җитештерүчеләренең башка техникасы бар.
Фото: © Салават Камалетдинов, «Татар-информ»
Казанда 17 июньнән 19 июньгә кадәр Казанда Россия – Көньяк-Көнчыгыш Азия илләре ассоциациясе (АСЕАН) саммиты уза.