Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ләйлә Фазлыева Татарстанда Гаилә елын үткәрүне оештыру комитеты рәисе итеп билгеләнде
![Ләйлә Фазлыева Татарстанда Гаилә елын үткәрүне оештыру комитеты рәисе итеп билгеләнде](https://tatar-inform.tatar/resize/shd/images/uploads/news/2024/2/8/b44c1304af4152cfbf823124152de047.jpg)
Татарстан Хөкүмәте республикада Гаилә елын үткәрүне оештыру комитетын раслады. ТР вице-премьеры Ләйлә Фазлыева комитет рәисе итеп билгеләнде, диелә шул хактагы боерыкта.
ТР хезмәт, халыкны эш белән тәэмин итү һәм социаль яклау министры Эльмира Зарипова, Министрлар Кабинетының ЗАГС идарәсе башлыгы Гөлшат Нигъмәтуллина – рәис урынбасарлары, ә ТР Министр Кабинеты Аппараты Социаль үсеш идарәсенең социаль өлкәдә шәхси-дәүләт партнерлыгы мәсьәләләре бүлеге башлыгы Әдилә Камалиева оештыру комитеты секретаре итеп билгеләнде.
Утыздан артык кеше оештыру комитеты әгъзалары булды. Алар – министрлык һәм ведомство, дини берләшмә вәкилләре һ.б.
«Татарстан Республикасы Хезмәт, халыкны эш белән тәэмин итү һәм социаль яклау министрлыгына 45 көн эчендә Татарстан Республикасында Гаилә елны үткәрү буенча төп чаралар планы проектын әзерләргә һәм билгеләнгән тәртиптә Татарстан Республикасы Министрлар Кабинетына тапшырырга», - диелә документта.
- 2024 ел Россиядә Президент Владимир Путин указы нигезендә Гаилә елы дип игълан ителде. Документта билгеләп үтелгәнчә, әлеге карар гаиләне яклау һәм традицион кыйммәтләрне саклау өлкәсендә дәүләт сәясәтен популярлаштыру максатыннан кабул ителгән.
Кызыклы яңалыкларны күзәтеп бару өчен Телеграм-каналга язылыгыз