Хәвеф-хәтәр 5 сентябрь 2018 08:00

Лаешта рейд вакытында юлда йөрү кагыйдәләрен бозучыларны ачыкладылар

Иң киң таралган кагыйдә бозу очрагы – иминлек каешларын эләктерми йөрү

Скопировать ссылку

(Лаеш, 5 сентябрь, "Татар-информ", "Кама ягы" Ольга Исаева). Лаеш районы ЮХИДИ хезмәткәрләре үткәргән рейд барышында юл хәрәкәте кагыйдәләрен бозуның 23 очрагы ачыкланган, дип яза җирле басма.

Иң киң таралган кагыйдә бозу очрагы – иминлек каешларын эләктерми йөрү. Моның өчен 10 машина йөртүчегә штраф салынган. Ике кеше руль артына эчкән килеш утырган. Хәзер аларны җитди җәза көтә: 30 мең сум күләмендә штраф һәм ел ярымнан ике елга кадәр йөртү таныклыгыннан мәхрүм итү (суд карары буенча).

Өч йөртүче гараждан ОСАГОсыз юлга чыккан. Икесе балаларны махсус креслосыз йөрткән. Шул кадәр үк кеше тизлекне арттырган өчен штраф түләячәк.

Рейд вакытында телефоннан сөйләшү, юлда машинаны дөрес куймау, укып булмаган номерлар, административ штрафларны вакытында түләмәүочраклары ачыкланган.

#Лаеш Кама ягы

Сәхифәләр

Лаешта рейд вакытында юлда йөрү кагыйдәләрен бозучыларны ачыкладылар