Лаешта “Порше” юл кырыена төшеп, ике кеше имгәнгән
Һәлакәт узган төндә Тарлаш авылы борылышында килеп чыккан.
Скопировать ссылку
(Казан, 20 июнь, “Татар-информ”). Лаеш районында “Порше” юл кырыена төшеп киткән, машина йөртүче һәм пассажир хатын-кыз җитди җәрәхәтләр алган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Урынга 119нчы янгын-коткару часте хезмәткәрләре килеп, хатын-кызны машинадан чыгарган һәм табиблар кулына тапшырган. Янгын сүндерүчеләр чит ил машинасы аккумуляторын сүндергән.
“Порше”ның 36 яшьлек йөртүчесе башы җәрәхәтләнеп һәм муены бәрелеп, хастаханәгә озатылган. 35 яшьлек пассажир хатын-кызның җилкәсенә зыян килгән һәм баш мие селкенгән.
