Җәмгыять 31 гыйнвар 2017 07:00

Лаешта “Дәүләт хезмәтләре көне“ акциясе узачак

Аның максаты – район кешеләренә www.gosuslugi.ru сайтында теркәлгәндә практик ярдәм күрсәтү.

Скопировать ссылку

(Казан, 31 гыйнвар, "Татар-информ"). Россия Эчке Эшләр министрлыгының Лаеш районы бүлеге 1 февральдә шундый исемдәге акция үткәрә, дип яза районның "Кама ягы" газетасы.

Аның максаты – район кешеләренә www.gosuslugi.ru сайтында теркәлгәндә практик ярдәм күрсәтү. Әлеге сайтта хөкем ителү-ителмәү турында, шулай ук җинаять эзәрлекләүләре фактлары яки аларның туктатылуы турында белешмәләргә заказ бирергә мөмкин булачак.

Моннан тыш, дактилоскопия теркәве оештырылачак. Аны үтәргә теләгән гражданнар моны шунда ук, бүлек бинасында үтә алалар. Өстәвенә бушлай.

Килүчеләрне 8 дән 18 сәгатькә кадәр бүлекнең дежур частенда көтәләр. Белешмәләр өчен телефон: 2-56-41.

#Лаеш #Кама ягы

Сәхифәләр

Лаешта “Дәүләт хезмәтләре көне“ акциясе узачак