Лаешта авыл җирлеге башлыгына карата җинаять эше кузгатылды
Орел авылында пычрак су агызу нәтиҗәсендә 1 мең квадрат метрдан артык мәйданда туфрак яраксыз хәлгә килгән.
(Казан, 1 февраль, «Татар-информ»). Лаеш районының Орел авыл җирлеге башлыгы, шулай ук «Су белән тәэмин итү һәм канализация» ҖЧҖ директорына карата карата җинаять эше кузгатылды, дип хәбәр итте «Татар-информ» агентлыгына үз чыганагы.
Районара табигатьне саклау прокуратурасы таләбе буенча, Тикшерү комитеты Икътисади җинаятьләргә каршы көрәш идарәсе белән берлектә «Вазифаи вәкаләтләрен арттыру» һәм «Экологик яктан куркыныч матдәләр һәм калдыклар белән эш итү кагыйдәләрен бозу» маддәләре буенча җинаять эше кузгатты.
Орел авылында чистарту корылмалары янында пычрак су агызганнар. Нәтиҗәдә, 1 мең квадрат метрдан артык мәйданда туфрак яраксызга чыккан. Әйләнә-тирә мохиткә килгән зыянның күләме 1 миллион сумнан артып киткән.