Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Лаеш районының Габишево авылында 60 фатирлы социаль ипотека йортына күченәләр
Яңа йортта социаль ипотека программасында катнашучылар, бюджет өлкәсендә эшләүчеләр, шулай ук грант откан табиблар яшиячәк.
(Казан, 4 декабрь, “Татар-информ”). Иртәгә, 5 декабрьдә, Лаеш районы Габишево авылының Төньяк микрорайонындагы 60 фатирлы социаль йортка күченәләр. Бу хакта Татарстан Президенты карамагындагы Дәүләт торак фонды хәбәр итә.
Яңа йортта социаль ипотека программасында катнашучылар, бюджет өлкәсендә эшләүчеләр, шулай ук грант откан табиблар һәм ятим балалар яшиячәк. Барлык фатирлар эшләнеп беткән килеш тапшырыла, су, газ, электр исәпләү җиһазлары куелган.
Төньяк микрорайонында 348 фатирга алты йорт торгызу каралган. Татарстан Президенты карамагындагы Дәүләт торак фонды тарафыннан 116 фатир социаль ипотека программасында катнашучыларга 2016 ел ахырында тапшырылган.
Моннан тыш, 60 фатирлы тагын бер йорт югары әзерлек дәрәҗәсендә. Аны да 2018 ел ахырында файдалануга тапшырырга җыеналар.
2005 елдан башлап, социаль ипотека программасы кысаларында торак шартларын Татарстанда яшәүче 113 мең гаилә яхшырткан. Шуларның 5,8 меңе 2018 елда яңа фатирлы булган.
Кызыклы яңалыкларны күзәтеп бару өчен Телеграм-каналга язылыгыз