Лаеш районында авариядә бер кеше үлгән, өч кеше имгәнгән
Чырпы авылы янында «ГАЗель» йөк машинасы һәм дүрт җиңел автомобиль бәрелешкән.
Скопировать ссылку
(Казан, 22 декабрь, «Татар-информ»). Лаеш районындагы авариядә бер кеше үлгән, тагын өч кеше зыян күргән. Бу хакта «Татар-информ»га шаһитлар хәбәр итте.
Шаһитлар мәгълүматы буенча, Чырпы авылы янында «ГАЗель» йөк машинасы һәм дүрт җиңел автомобиль бәрелешкән. «Газель» кузовының бер өлеше өзелгән, анда булган әйберләр трассага коелган. Берничә машина юлдан чыгып киткән, аларның икесенә җитди зыян килгән.
Бер кеше һәлакәт урынында үлгән. Тагын өчесе төрле җәрәхәтләр белән хастаханәгә озатылган.
