Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Лаеш районында 500 укучыга исәпләнгән мәктәп төзеләчәк
Төзелешкә барлыгы 433 млн сумнан артык акча тотылачак.
(Казан, 10 февраль, «Татар-информ»). Татарстан Лаеш муниципаль районында 500 укучыга исәпләнгән мәктәп төзеләчәк. Анда стадион һәм ял бүлмәләре дә булачак. Төзелешкә 433 млн сумнан артык акча сарыф ителәчәк. Бу турыдагы мәгълүмат дәүләт сатып алулары сайтында урнаштырылган.
«Төзелеш-монтаж һәм башка эшләр, шул исәптән җиһазлар урнаштыруга 433 592 054 сум акча биреләчәк», — дип хәбәр ителә документларда.
Мәктәп территориясендә хәрәкәтчән уеннар һәм тыныч ял өчен мәйданчыклар, мини-футбол өчен мәйдан һәм йөгерү юллары булган стадион, волейбол һәм гимнастика өчен уен мәйданчыгы барлыкка киләчәк.
Өч катлы бинаның подвалы да булачак. Беренче катта ял итү урыннары, 200 урынлы актлар залы һәм 250 урынлы төшке аш залы урнашачак. Икенче катта шул исәптән спорт залы, лаборатория, йорт эшләре бүлмәләре, китапханә урнаштырылачак. Өченче катта уку сыйныфлары һәм кабинетлары булачак.
Бинаның гомуми мәйданы якынча 8 мең кв.метр тәшкил итәчәк. Эшләр дәүләт килешүен төзегән көннән 2021 елның 1 мартына кадәр дәвам итәчәк.
Төзелеш Татарстан бюджетыннан финансланачак.
Кызыклы яңалыкларны күзәтеп бару өчен Телеграм-каналга язылыгыз