Лаеш районы Столбище бистәсе кадеты кул сугышы буенча ярышта көмеш медаль алды
Мартин Акопян әзерләгән тренер Татарстан Республикасы ДОСААФ идарәсе рәисе Дамир Динниуловның Рәхмәт хатына лаек булды.
(Лаеш, 21 апрель, "Татар-информ", "Кама ягы"). Советлар Союзы Герое А.П. Малышев исемендәге Столбище мәктәбендә кул сугышы буенча чакырылыш яше алдындагы яшьләр арасында XXV Россия беренчелеге узды. Анда көмеш приз алган Мартин Акопянга тантаналы шартларда бүләк тапшырдылар. Бу турыда район басмасы хәбәр итә.
Талантлы спортчыга диплом һәм бүләкне – сугыш өчен перчаткалар һәм шлем-масканы – ТР ДОСААФ начальнигы урынбасары Владимир Трошин һәм Лаеш районы ДОСААФ җитәкчесе Александр Каппель тапшырды.
Мартинны ярышларга әзерләгән “Отечество” хәрби-патриотик клуб тренеры Илдар Саттаров Татарстан Республикасы ДОСААФ идарәсе рәисе Дамир Динниуловның Рәхмәт хатына лаек булды.