Лаеш ягы музеенда «Махсус хәрби операция шаһит күзләре белән» дигән күргәзмә ачылды
Лаеш ягы музеенда «Махсус хәрби операция шаһит күзләре белән» дигән күргәзмә ачылды. Күргәзмәдә тәкъдим ителгән эшләр авторы фотограф Михаил Захаров Лаеш гимназиясенең 1нче бишенче сыйныф укучылары белән очрашты. Бу хакта «Кама ягы» сайтында хәбәр ителә.
Ул махсус хәрби операциянең фронт зонасында ике тапкыр барган. Донецк Халык Республикасының Лисичанск, Рубежное һәм башка якын районнарында була.
Аның эшләре — катлаулы, кайчакта кешелексез шартларда калган кешеләрнең тормыш концентраты. Ләкин вазгыятьнең фаҗигалелеге белән бергә фотосурәтләр оптимизм һәм яхшылыкка ышаныч белән сугарылган.
Фотокүргәзмәдә шулай ук Тимур Камалетдиновның эшләре тәкъдим ителгән, ул сугыш барган урыннарда турыдан-туры кайнар нокталарда була алган.
Күргәзмәне караганнан соң, балалар сораулар бирде, Украинадагы вакыйгалар турында үзләренең тәэсирләре һәм фикерләре белән уртаклашты. Аларның сорауларына фотохәбәрче Михаил Захаров һәм музей директоры Фәридә Мортазина җавап бирде.