Лаеш районының 150дән артык укучысы Яшь армиячеләр сафларын тулыландырды
Лаеш районының Олы Кабан авыл мәдәният йортында Олы Кабан, Комлы Ковали, Атабай, Советлар Союзы Герое А.П.Малышев исемендәге Столбище мәктәбе, Лаешның 1нче гимназиясе һәм «Сәламәт буын» күп профильле лицей укучыларын Яшь армиячеләр сафларына багышлау тантанасы узды. Бу хакта «Кама ягы» сайтында хәбәр ителә.
Яшь армияче антын 185 малай һәм кыз әйтте. Олы Кабан авыл мәдәният йортында патриотик яшьләр хәрәкәтләре җитәкчеләре һәм махсус хәрби операциядә катнашучылар бер-берсен сәламләделәр.
Катнашучыларга сәламләү һәм үгет-нәсихәт сүзләре белән Яшь армиячеләрнең җирле бүлекчәсе штабы җитәкчесе Владимир Чуприн, өстәмә белем бирү оешмасының мәктәптән тыш эш үзәге директоры Марина Шастина, академик В.И.Андреев исемендәге Олы Кабан урта мәктәбе директоры Павел Кореев мөрәҗәгать итте.
Махсус хәрби операциядәда катнашучы һәм разведка взводы командиры урынбасары Рамил Сираҗиев «Юнармия» бөтенроссия балалар-яшүсмерләр иҗтимагый хәрәкәте сафларына җаваплы керү алдыннан үгет-нәсихәт сүзләре әйтте:
— Туган илгә мәхәббәт белән үсегез. Яшь армиячеләрне хөрмәт итегез һәм горурланып йөрегез! Сез ант бирәсез һәм бу ант сезгә тирә-юньдәгеләргә, Ватанга, өлкәннәргә карата җаваплы мөнәсәбәт сала.
Яшь армиячеләр Бөтенроссия хәрби-патриотик хәрәкәте грамотасы белән Олы Кабан урта мәктәбенең тәрбия эше буенча директоры Азизә Нәүрүзова бүләкләнде.
«М.А.Гәрәевнең тууына йөз ел» истәлекле юбилей медале белән Усадының «Сәламәт буын» күп профильле лицее укучысы Дана Трошина һәм Столбище мәктәбеннән Есения Пушкарт бүләкләнде. Барлык балаларга да Яшь армиячеләр символикасы белән значоклар тапшырылды.