Лаеш районында яшәүче гаиләдә икенче тапкыр игезәкләр туган
Скопировать ссылку
Татарстанның Лаеш районында яшәүче Гыйльмуллиннар гаиләсендә икенче тапкыр игезәкләр туган. Азалия исемле кыз һәм Адам исемле малай 11 сентябрьдә дөньяга килә. Бу турыда «Татар-информ» яза.
Моннан 9 ел элек Алена белән Әсгать Гыйльмуллиннар гаиләсендә игезәкләр - Салават һәм Аиша туган. Шул ук вакытта, Алена сүзләренчә, моңа кадәр игезәкләр туу очраклары аның нәселендә дә, ире нәселендә дә булмаган.
Ата-ана җиңелчә шок хәлендә, ләкин чиксез бәхетле. Алар өлкән балаларның кечкенәләрен карауда яхшы ярдәмчеләр булачагына ышана.
Кичә, 19 сентябрьдә, Лаеш шәһәренең Никахлашу сараенда күп балалы ата-анага балалар туу турында таныклык тапшырдылар, дип яза «Кама ягы» газетасы.