news_header_top_970_100
news_header_bot_970_100

Лаеш районында төяп җибәрелгән продукция күләме узган елгыдан 119 процентка арткан

Агымдагы елның алты аенда Татарстанның Лаеш районы предприятиеләре һәм оешмалары үзләре җитештергән 24,9 млрд сумлык товарны төяп җибәргән. Беренчел бәяләүләр буенча, тулаем алганда, төяп җибәрелгән продукция һәм күрсәтелгән хезмәт күләме 67,7 млрд. сум тәшкил итәчәк - үткән ел белән чагыштырганда 119 процентка күбрәк. Бу хакта Татарстан Министрлар Кабинетында узган киңәшмәдә Лаеш районы башлыгы Илдус Зарипов хәбәр итте.

Киңәшмәне Татарстан Президенты Рөстәм Миңнеханов уздырды.

«Инвестицион эшчәнлекнең төп күрсәткечләре динамикасын исәпкә алып, районда инвестицияләр агымына ярдәм итә торган шартлар тудырыла. Фаразлаулар буенча, агымдагы елга төп капиталга инвестицияләр күләме 15,9 млрд сум күләмендә планлаштырыла, бу узган елга карата 110,6 процент тәшкил итәчәк. Агымдагы елның беренче кварталында әлеге күрсәткеч 5,4 млрд сум тәшкил итте», - диде ул.

Республика муниципаль берәмлекләренең гыйнвар-июнь айларында социаль-икътисади үсеш рейтингы буенча Лаеш районы беренче урында тора, дип өстәде спикер. Районның үсеш динамикасы төп икътисади күрсәткечләрнең тотрыклы үсеше белән билгеләнә.

«Районда тулаем территориаль продуктның үсеш темпы 2022 елга гамәлдәге бәяләрдә 113,8% дәрәҗәсендә бәяләнә, аның бәясе 45,5 млрд сум күләмендә фаразлана», - диде ул.

Агымдагы елның 1 августына теркәлгән эшсезлек дәрәҗәсе эшче көчләр санының 0,21 процентын тәшкил итә.

news_right_column_1_240_400
news_right_column_2_240_400
news_bot_970_100