Лаеш районында 150 баш сыерга исәпләнгән сөт-товар фермасы төзиләр
Скопировать ссылку
Татарстанның Лаеш районы Державино авылында 150 баш мөгезле эре терлеккә исәпләнгән сөт-товар фермасы төзелә башлады.
Проектны крестьян-фермер хуҗалыгы башлыгы Эдуард Гобәйдуллин гамәлгә ашыра. Ул 30 миллион сумлык грант откан.
Грант акчаларына Державино авыл җирлегендә заманча ферма төзелә. Бүгенге көндә сөт саву залының һәм төп корпусның фундаменты салынган. Төзелеш гаилә фермаларына ярдәм итүче грант программасы кысаларында алып барыла.
Фото: ТР Лаеш районы матбугат хезмәте.