Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Лаеш районы башлыгы ялга кайткан хәрбиләр белән очрашты
Лаеш районы башлыгы Илдус Зарипов ялга кайткан мобилизацияләнгән ир-атлар белән очрашты. Ул һәр хәрбине сәламләде һәм Ватанны саклаулары өчен рәхмәт белдерде. Очрашу табын артында узды.
«Туган җиргә кайтуыгыз белән!» - диде муниципаль берәмлек җитәкчесе.
«Татар-информ»га район матбугат хезмәтендә сөйләүләренчә, җитәкче белән очрашуга биш кеше килгән. Алар хезмәтләренең ничек узуы турында сөйләде. Лаеш егетләренең кәефе күтәренке, алар барысы да Җиңүгә өметләнә. Аларны бары тик гаиләләргә ярдәм мәсьәләсе борчый.
«Хәрбиләрнең берсе гаиләнең бакча кишәлеге барлыгын сөйләде. Тиздән җәйге сезон башлана, хатыны дачага күчә. Аңа су ташырга кеше юк. Хәрби хезмәткәр башкарма комитеттан бу мәсьәләне хәл итүдә ярдәм сорады», - дип сөйләде администрациядә.
Лаеш районы башлыгы сүзләренчә, хәрбиләр Ватанны саклауга карар кабул иткән, гаиләләргә уңайлы яшәү өчен барлык шартларны да тәэмин итүгә хакимият бурычлы булып тора. Шулай ук ул муниципалитет тарафыннан күрсәтелә торган ярдәм чаралары турында да искәртте.
Кызыклы яңалыкларны күзәтеп бару өчен Телеграм-каналга язылыгыз