Лаеш районы башлыгы һәм бизнес-омбудсмен Президент сайлавында тавыш бирде
Скопировать ссылку
Лаеш районы башлыгы Илдус Зарипов һәм Эшкуарлар хокукларын яклау буенча вәкаләтле вәкил – Татарстан Республикасы Рәисе ярдәмчесе Фәрит Габделганиев РФ Президенты сайлавында тавыш биреп, гражданлык бурычын үтәде. Бу хакта «Камская новь» яза.
«Фәрит Солтанович Дәүләт хезмәтләре порталы аша Лаештагы участокка алдан теркәлде», – дип тәгаенли басма.
Илдус Зарипов Лаеш районы халкының югары активлыгын билгеләп узды – күпләр гаилә әгъзалары белән килә. Ул моны дәүләткә ярдәм һәм ил язмышына битараф булмаган мөнәсәбәтнең чагылышы дип атый.
- 15 мартта Татарстанда 65 территориаль һәм 2722 участок сайлау комиссиясе эшли башлады, шулай ук хастаханә, шифаханә, тикшерү изоляторы, вокзал һәм аэропортта вакытлыча 45 сайлау участогы ачылды.
- 3 миллионга якын татарстанлы сайлау хокукына ия. Алар 15, 16 һәм 17 мартта 8.00-20.00 сәгатьләрдә тавыш бирә ала. Сайлау уздыруны сайлау комиссияләренең 22 мең әгъзасы тәэмин итә. Сайлау участокларында 16 меңнән артык күзәтүче эшли, шул исәптән чит ил күзәтүчеләре дә бар.
- Россия Федерациясе Президентын сайлау 8нче тапкыр үткәрелә, быел ул 15, 16 һәм 17 мартта уза. Сайлауда 4 кандидат – Владислав Даванков («Яңа кешеләр» партиясеннән), Леонид Слуцкий (ЛДПР партиясеннән), Николай Харитонов (КПРФ партиясеннән) һәм Россиянең хәзерге Президенты Владимир Путин (үзен-үзе тәкъдим итүче) катнаша.