Казанда «Лада Гранта» автомобиле җәяүлеләр кичүендә хатын-кызны бәрдергән
Скопировать ссылку
Казанда «Лада Гранта» автомобиленең йөртүчесе җәяүлеләр кичүендә хатын-кызны бәрдергән. Бу хакта Казан шәһәре Дәүләт автоинспекциясе хәбәр итә. Әлеге мизгел видеога эләккән.
Юл-транспорт һәлакәте Себер трактында булган. «Лада Гранта» автомобиленең 42 яшьлек йөртүчесе Попов урамы ягыннан 8 Марта урамы юнәлешендә хәрәкәт иткән. Борылып китәргә ниятләп, ул җәяүлеләр кичүендә светофорның яшел утына юл аша чыгып баручы хатын-кызны бәрдергән. Юл һәлакәтенең сәбәпләре ачыклана.