Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
La Primavera камера оркестры һәм “Әкият” театры “Шүрәле” балетын куярга җыена
Балалар өчен балет 2020 елның декабрендә куелыр дип планлаштырыла.
(Казан, 17 сентябрь, “Татар-информ”, Зилә Мөбәрәкшина). Татар дәүләт “Әкият” курчак театры һәм Татарстанның халык артисты Рөстәм Абязов җитәкчелегендәге Казанның La Primavera камера оркестры татар композиторы Фәрит Яруллинның “Шүрәле” балетын сәхнәләштерергә җыена. Бу хакта Хөкүмәт йортында узган 2019-2020 елларда театраль сезон ачылуга багышланган брифингта театрның баш режиссеры Илгиз Зәйниев сөйләде.
“Рөстәм Абязов безгә бик кызык тәкъдим белән чыкты. Ул Фәрит Яруллинның “Шүрәле” балетын бергә эшләп карарга тәкъдим итте. 2020 елның декабрендә La Primavera камера оркестры белән куелачак. Бик теләп ризалаштык. Ничек буласын әле алар да, без дә белеп бетермибез. Ләкин, миңа калса, моны эшләве кызык булачак. Ә инде нәтиҗәсен соңыннан күрербез”, - диде ул.
Кызыклы яңалыкларны күзәтеп бару өчен Телеграм-каналга язылыгыз