«La Primavera» эксклюзив программа тәкъдим итә
Бүген Казан дәүләт университетының актлар залында маэстро, дирижер Рөстәм Абязов җитәкчелегендәге «La Primavera» Казан дәүләт камера оркестры музыка сөючеләргә
(Казан, 19 ноябрь, “Татар-информ”). Бүген Казан дәүләт университетының актлар залында маэстро, дирижер Рөстәм Абязов җитәкчелегендәге «La Primavera» Казан дәүләт камера оркестры музыка сөючеләргә моңа кадәр күрсәтмәгән программа тәкъдим итә. Казан тамашачысы «Concerto Grosso» дип аталган концерт тыңлый алачак. Программада – Карл Дженкинс, Эрнест Блох, Антонио Вивальди һәм Астор Пьяццолла кебек композиторларның әсәрләре. Скрипкада халыкара конкурслар лауреатлары Елена Рольбина, Дмитрий Яковлев, виолончельдә ТР атказанган артисткасы Ирина Лаптева, фортепианода халыкара һәм Бөтенроссия конкурслары лауреаты Татьяна Халтурина уйный, дип хәбәр итә оркестрның рәсми сайты.