Кызыл Чишмә бистәсендә Түбән Кама мэры Конституциягә төзәтмәләр буенча тавыш бирде
Айдар Метшин бүген беренчеләрдән булып сайлау участогына килде.
(Казан, 1 июль, «Татар-информ»). Түбән Кама мэры Айдар Метшин бүген Конституциягә төзәтмәләр буенча гомумроссия тавыш бирүендә катнашты. Шәһәр башлыгы үз сайлау участогына иртәнге сигездә килде. Бу хакта Түбән Кама районы матбугат хезмәте хәбәр итә.
Сайлау участоклары бүген иртәнге сәгать сигездән кичке сигезгә кадәр ачык. Үзең белән бары тик паспорт кына алып килергә кирәк.
Теләге булганнар өйдә дә тавыш бирә ала. Моның өчен үзеңнең сайлау участогы комиссиясенә шалтырату да җитә. 8 (8555) 42-14-81 (шәһәр) һәм 8 (8555) 42-49-32 (район) телефоннарына шалтыратып, үзеңнең сайлау комиссиясенең телефонын ачыкларга яки башка сорауларга җавап алырга мөмкин.
Элегрәк «Татар-информ» Түбән Кама районы Иҗтимагый советы рәисе Хәмзә Баһманов участокларның берсендә күзәтүче булды, дип хәбәр иткән иде.