news_header_top_970_100
news_header_bot_970_100

Кытай Мәскәү - Казан югары тизлекле магистрален Пекинга кадәр озынайтуны сорады

Кытай партнерлары Мәскәү - Казан ЮТМнә, иннвестицион проекттан тыш, Россия һәм Европа белән тизйөрешле элемтәне үстерүгә бер адым буларак та карыйлар

 (Казан, 9 октябрь, «Татар-информ»). Кытай инвесторлары, Мәскәү - Казан югары тизлекле магистрален Пекинга кадәр озынайту шарты белән бу проектка акча кертергә әзер, дип яза Lenta.ru “Москва” агентлыгына сылтама белән, ә анысы, үз чиратында, Россия тимер юлларының бүлендек структурасы “Скоростные магистрали” ААҖ компаниясе вәкиленә сылтама бирә.

“Бүген Кытай инвесторлары Мәскәү - Казан югары тизлекле магистрале проектына акча кертергә әзер, ә Кытай төзүчеләре магистарльне төзүдә иң заманча технологияләрне тәкъдим итә ала. Алар Россия Хөкүмәтенең стратегик карарын көтә”, - дип сөйләде компания вәкиле.

Аның сүзләренә караганда, Кытай партнерлары Мәскәү - Казан югары тизлекле магистраленә иннвестицион проекттан тыш, Россия һәм Европа белән тизйөрешле элемтәне үстерүгә бер адым буларак та карыйлар.

Агымдагы елның сентябрендә РТЮ 2015-2017 елларда Мәскәү - Казан югары тизлекле магистрале төзелешенә 190 млрд сумнан артык акча алачагы билгеле булды.

news_right_column_1_240_400
news_right_column_2_240_400
news_bot_970_100