Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Кытай һәм Сингапур инвесторларына тәкъдим ителәчәк проектлар сайлана
Бу исемлеккә керү өчен Татарстаннан да 3 проект дәгъва итә
(Казан, 27 гыйнвар, “Татар-информ”). Иртәгә Мәскәүдә РФ Икътисади үсеш министрлыгының эшче төркеме утырышы узачак. Анда Кытай һәм Сингапурның потенциаль инвесторларына тәкъдим ителәчәк төбәк проектлары сайлап алыныр дип көтелә.
ТР Икътисад министрлыгының матбугат хезмәтеннән алынган хәбәрләргә караганда, утырышта Татарстаннан “Мелита” ААҖ дә югары сыйфатлы мех эшләнмәләре производствосын киңәйтү, Алабугада полиэфир җепләр һәм алар нигезендә техник тукымалар җитештерү, POZIS кухня плиталары производствосын оештыру буенча проектлар тәкъдим ителәчәк. Утырышта ТР Икътисад министры Марат Сафиуллин катнашачак.
Ведомствоара эшче төркем шулай ук Алтай, Чувашстан республикалары, Орел өлкәсе проектларын карарга җыена. Утырышта инвесторларга салым ташламалары бирү, Кытай һәм Сингапур инвесторларының Россиягә сәфәре вакытын һәм программалары килештерү мәсьәләләре дә күтәреләчәк.
Кызыклы яңалыкларны күзәтеп бару өчен Телеграм-каналга язылыгыз