Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кытай Халык Республикасының Бишкәктәге илчелегенә террорчы һөҗүм иткән
Һәлакәт аркасында илчелекнең өч хезмәткәре зыян күргән
(Казан, 30 август, «Татар-информ»). Кытай Халык Республикасының Бишкәктәге илчелегенә террорчы һөҗүм иткән. Ир-ат машина белән бина капкасына бәрелгән, нәтиҗәдә автомобиль шартлаган дип хәбәр итә «Интерфакс».
Һәлакәт аркасында илчелекнең өч хезмәткәре зыян күргән. Күпсанлы кыйпылчыклар белән яраланган Кыргызстан гражданнары хастаханәгә озатылганнар, дип хәбәр итте республика вице-премьеры Жениш Разаков.
«Террорчы «Мицубиси Делика» автомашинасы белән идарә иткән. Зыян күрүчеләр Кыргызыстан гражданнары", - дигәнул журналистларга.
Хокук саклау органнары әлегә илчелек территорииясендә шартлаган автомобильдә табылган ир-атның шәхесен ачыкламаган. Һәлакәт урынында полиция, Дәүләт илкүләм куркынычсызлык комитеты хезмәткәрләре эшли. Алар террорчының шәхесен һәм автомобиль хуҗасын ачыклый.
Элегрәк Кытайның Кыргызстандагы илчелеге территориясендә шартлау турында хәбәр ителгән иде. Сәламәтлек саклау министрлыгы мәгълүматлары буенча бер кеше үлгән, ике кеше зыян күргән.
Кызыклы яңалыкларны күзәтеп бару өчен Телеграм-каналга язылыгыз