Кытайда тау бите ишелү аркасында 8 кеше һәлак булган, 34 кеше хәбәрсез югалган

Скопировать ссылку

Чунцин шәһәрендә тау бите ишелү вакытында 8 кеше һәлак булган, тагын 34е – хәбәрсез югалган, дип яза ТАСС Кытай Үзәк телевидениесенә сылтама белән.

Ишелү 17 июль көненең икенче яртысында була. Якын-тирә районнардан 1 меңнән артык кеше эвакуацияләнгән.

Билгеләп үтелгәнчә, югалганнарны эзлиләр һәм өемнәрне йөздән артык коткаручы чистарта.