news_header_top
Руc Тат
16+
news_header_bot
news_top
Икътисад 28 гыйнвар 2025 18:31

Кытай һәм Һиндстан Россиядән нефть сатып алуны туктатты

Скопировать ссылку

АКШ санкцияләре кагылмаган танкерлар фрахтына чыгымнар арту сәбәпле, Кытай һәм Һиндстан Россиядән мартта китереләчәк нефть сатып алуны туктатты, дип яза Reuters.

Трейдерлар сүзләренчә, Россиянең ESPO «кара алтыны» премиясе Ice Brent белән чагыштырганда бер баррель өчен 3-5кә арткан. Нәтиҗәдә, Кытай Халык Республикасына йөри торган «Афрамакс» тибындагы танкер өчен фрахт ставкалары берничә миллион долларга арткан.

Һиндстанның нефть эшкәртүче иң зур компаниясе – Indian Oil Corp мәгълүматларына караганда, агымдагы финанс елында (31 мартта тәмамлана) Россия нефтенең импорты кимегән. Бу финанс елының 10 ае нәтиҗәләре нигезендә, компания импортында Россия нефте өлеше 25 процентка кадәр «төшкән» (узган финанс елы белән чагыштырганда -5 процент). Әмма компаниянең финанс директоры Анудж Джайн билгеләп үткәнчә, нефть дефициты юк. Компания исә, ташламалар тәкъдим ителгән очракта, Россиядән чимал сатып алуын дәвам итәчәк.

Элегрәк Кушма Штатлар Россия энергетика секторына каршы санкцияләр кертте. 180 танкерга чикләүләр кагылды. Һиндстан Штатлар санкциясе кагылган танкерларны бушатудан баш тартачак, дип язды Bloomberg. Соңрак, Reuters язганча, АКШ Һиндстанга Россиядән нефть китергән танкерларны 27 февральгә кадәр бушатуны таләп итте.

news_right_1
news_right_2
news_bot