Кыш бабай һәм Кар кызы киеме кигән пассажирлар электричкада бушлай йөри ала
Кыш бабайның туны, бүреге һәм сакалы, Кар кызының туны һәм толымы булырга тиеш.
Скопировать ссылку
(Казан, 30 декабрь, «Татар-информ»). Казанда шәһәр яны поезды пассажирлары, Кыш бабай яки Кар кызы костюмнарын киеп, бушлай йөри алачак. Акция 8 гыйнварга кадәр дәвам итә. Бу турыда Казан мэриясе «Содружество» шәһәр яны пассажир компаниясенә сылтама белән хәбәр итте.
Костюмнар гомумкабул ителгән стандартлар буенча булырга тиеш: Кыш Бабайның туны, бүреге һәм сакалы, Кар кызының туны һәм толымы булу сорала.
Киемнәр пычранырга, ә декор элементлары коелырга тиеш түгел. Бушлай йөрү өчен мәҗбүри шарт — бөтен сәфәр дәвамында костюмны салмау, диелә хәбәрдә.