Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Кыш бабайның бәйрәм поезды Зәй районының Якты Күл авылында да туктады
Кыш Бабай поезды Казанга 5 декабрьдә килде. Аның маршруты Байкал-Амур магистралендәге, Транссебер тимер юлындагы, Россиянең Үзәк һәм Төньягындагы 130 шәһәр аша уза. Кичә, 6 декабрьдә, Кыш бабай поезды районның Якты Күл авылы янындагы тимер юлдан 23 сәгать 15 минутта узды. Биредә поезд 15 минутка туктады һәм Кыш бабай поездын күрергә килүчеләр дә шактый иде.
Бөек Устюгтан Кыш бабай поезды 22 октябрьдә киткән. Тукталыш булган һәр шәһәрдә вокзалга килүчеләрне артистлар һәм аниматорлар катнашында бәйрәм программасы көтә. Бу хакта «Зәй офыклары» сайтында хәбәр ителә.
Состав Кыш Бабай Россия буйлап сәяхәт итә торган бәйрәмчә бизәлгән күчмә резиденциядән гыйбарәт. Быел поезд 19 вагоннан тора. Анда кабул итү бүлмәсе салоны, вагон-сәхнә, уеннар һәм квестлар өчен «Әкият авылы» вагоны, вагон-рестораннар, вагон-кибетләр һ.б бар.
Поезд башында йөзләгән утлардан торган гирляндлар белән бизәлгән паровоз бара. Поезд Россия тимер юллары буйлап 33 мең километрдан артык юл узачак.
Кызыклы яңалыкларны күзәтеп бару өчен Телеграм-каналга язылыгыз