Дин 21 гыйнвар 2005 16:40

Кырымдагы бәйрәмдә чит ил вәкилләре дә катнашты

Скопировать ссылку

(Кырым, 21 гыйнвар, «Татар-информ», Диләвәр Османов). Кырымда Корбан бәйрәме елдан-ел биредәге мөселманнарның иң күркәм чараларыннан берсенә әверелә бара һәм мондый тантаналарга башка мөселман илләреннән килгән дин кардәшләребез дә теләп катнаша. Бу бәйрәм биредә 1987 елдан, ягъни депортация җилләре тынганнан соң үткәрелә башлады.

Быелгы Корбан бәйрәмендә Германиядәге төрек федерациясеннән килгән делегация дә катнашты. Кунаклар Мәҗлес рәисе Мостафа Җәмилев белән очрашты, шулай ук кырымтатар бистәләрендә булып һәм Корбан вәгазьләре тыңлап, күмәк намазда да катнашты.

Кырымдагы татар-башкорт федерациясе дә Корбан бәйрәмен зурлап үткәрде. Бүген исә шундый мәҗлес Симферопольдә үтә.

Сәхифәләр

Кырымдагы бәйрәмдә чит ил вәкилләре дә катнашты