Җәмгыять 14 июнь 2005 16:58

Кырымда район хакимиятләре башлыкларын билгеләүне көтәләр

Скопировать ссылку

(Симферополь, 14 июнь, “Татар-информ”, Диләвәр Османов). Кырымда район хакимиятләре башлыклары урынына дәгъвалаучыларга конкурс дәвам итә. Районнарда иҗтимагый конкурс комиссияләре кандидатураларны карауны тәмамлап, аларның исемлеген Министрлар Советы комиссиясенә тапшырды. Кырымның 14 районыннан дүртесендә район хакимияте башлыгы урынын Кырым татарлары дәгъвалый.

Бакчасарай районында Илми Үмәров, Кировта – Осман Кадыйров, 1 майда – Айдар Типпа һәм Симферопольдә Ибраһим Мамутов. Алар барысы да, башкалар шикелле үк, Министрлар Советында конкурс үттеләр. Хәзер Президентка кемнәрне район башлыклары итеп расларга тәкъдим итәрләр, анысы Министрлар Советы рәисе А.Матвиенкодан тора. Әлегә кадәр Кырымның тик бер Карасубазар районында гына район башлыгы Кырым татарларыннан иде.

Сәхифәләр

Кырымда район хакимиятләре башлыкларын билгеләүне көтәләр