Җәмгыять 30 март 2005 18:14

Кырым татарларының җир таләп иткән Алушта төркеме һич тә тынычлана алмый

Скопировать ссылку

(Симферополь, 30 март, “Татар-информ”, Диләвәр Османов). Кырым татарларының ничә еллар буена хөкүмәттән җир даулаган Алушта төркеме кичә Симферопольнең үзәк мәйданына урнашкан Министрлар Советы каршында 15 каршылык палаткасы төзеп куйды. Аларның исәпләре хөкүмәт җир бүлеп биргәнче моннан китмәскә. Яңадан бу адымга әле күптән түгел генә җир проблемасы буенча билгеләп куелган комиссиянең Алуштага барып та, анда бу мәсьәләдә авыл һәм бистә советларының үз биләмәләрендәге җирне бүлеп бирүгә каршы килүләре аркасында нәтиҗәсез әйләнеп кайтуы сәбәпче булган.

Пикетка чыккан Кырым татарларының “Татар-информ” хәбәрчесенә белдерүенә караганда, соңгы 10 ел эчендә Алуштада Кырым татарларына бер генә участок җир дә бирелмәгән. Тик авылда яшәүчеләр генә 20 участок җиргә ия булган. Пикетчылар якын араларда Кырымга визит ясаячак Украина Премьер-министры Юлия Тимошенко белән дә күрешеп сөйләшергә ниятли.

Сәхифәләр

Кырым татарларының җир таләп иткән Алушта төркеме һич тә тынычлана алмый