Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кырым мөфтияте кырымтатар теле дәресләре үткәрде
Кырым Республикасы һәм Севастополь шәһәре мөселманнарының Диния нәзарәте базасында «Алем-и Нисван» Ислам мәдәни-агарту үзәгендә кырымтатар теле дәресләре тәмамланды. Укулар атнага ике тапкыр 3 ай дәвамында үткәрелде. Курсларны кырымтатар теле һәм әдәбияты филологы Тамила Абдувәлиева алып барды. Бу хакта Россия мөселманнары Дини җыенының матбугат хезмәте хәбәр итә.
Курсның программасы кырымтатар әдәби теленең сөйләм күнекмәләрен һәм грамматикасын үстерүгә юнәлдерелгән. Укучылар кырымтатар телен белүнең 1нче дәрәҗәсен алды, төп кагыйдәләрне үзләштерде һәм гади җөмләләр төзергә өйрәнде.
Курсларны тәмамлаучыларны Кырым Республикасы һәм Севастополь шәһәре мөфтие Эмирали Аблаев исеменнән Кырым мөфтиенең урынбасары Раим Гафаров котлады.
Укучылар курсларны тәмамлау турында сертификат алды. Төркемдә төрле яшьтәге һәм күпмилләтле укучылар булган. Курсларны тыңлаучылар укуларын дәвам итәргә теләк белдерде. Чираттагы төркемне көз җыю планлаштырылган.
Кырым мөфтияте каршындагы кырымтатар телен өйрәнү проекты ел саен бушлай гамәлгә ашырыла.
Кызыклы яңалыкларны күзәтеп бару өчен Телеграм-каналга язылыгыз