Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кырым делегациясе ТР мәгариф системасын модернизацияләү тәҗрибәсен өйрәнә
Татарстан Республикасы тәҗрибәсе ярымутрауда файдаланылачак
(Казан, 2 октябрь, «Татар-информ»). Казанга Кырым Республикасының министр урынбасары Айдер Аблятипов җитәкчелегендәге Фән һәм яшьләр министрлыгы вәкилләре килде.
Кичә ТР Премьер-министры урынбасары - мәгариф һәм фән министры Энгель Фәттахов кунаклар - Кырым Республикасының милли оешмалар җитәкчеләре, методистлар, мәктәп директорлары һәм иң яхшы укытучылар белән очрашты. ТР Фән һәм мәгариф министрлыгы сайтында хәбәр ителгәнчә, делегация әгъзалары Татарстан Республикасы һәм Кырым Республикасы арасында дәүләт һәм иҗтимагый тормыш өлкәләрендә татар телен куллану, милли белем бирү системасын үстерү һәм туган телдә белем бирү системасын һәм тел сәясәте мәсьәләләрен өйрәнү өлкәсендә төбәкара хезмәттәшлекне алга таба үстерү мәсьәләләре хакында фикер алыштылар.
Кунаклар шулай ук Казан гимназия һәм лицейлары белән танышты, дәресләрдә булды.
Татарстан Республикасының мәгариф системасын модернизацияләү буенча тәҗрибәсе Кырым Республикасында да файдаланылачак.
Кызыклы яңалыкларны күзәтеп бару өчен Телеграм-каналга язылыгыз