Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кырның сыйфатын түгел, уеныбызны яхшырту турында уйларга кирәк – Хавьер Грасия
"Рубин" командасы баш тренеры Хавьер Грасия "Томь"га каршы уенда ни өчен җиңүгә ирешә алмауларын аңлатырга тырышты.
(Казан, 10 апрель, "Татар-информ"). "Рубин" футбол командасы баш тренеры Хавьер Грасия "Томь"га каршы уеннан соң матбугат конференциясендә әлеге матчка үз бәясен бирде.
"Тупка көндәш командага караганда күбрәк без хуҗа булдык. Безгә ике гол кертү өчен "Томь" капкасына 23 тапкыр туп тибәргә туры килде, бер пенальтины уңышсыз башкардык. Ә көндәш командага 2 гол кертү өчен безнең капкага ике тапкыр тибү дә җитте. Күп мөмкинлекләрне файдалана алмадык. Җиңәргә омтылдык, ләкин бик авыр матч булды. Кәеф кырылды, әмма төшенкелеккә бирелергә ярамый", – диде Хавьер Грасия.
Баш тренер сакчы Карлос Самбраноның бүгенге уеныннан бик үк канәгать булмавын белдерде һәм уен кырының начар хәлдә булуы акланырга сәбәп түгеллеген дә ассызыклады.
Кызыклы яңалыкларны күзәтеп бару өчен Телеграм-каналга язылыгыз