Дин 9 июнь 2020 18:15

Кыргызстанда мәчетләр ачылды

Мәчеткә килүчеләрнең температурасын үлчиләр һәм битлекләр бирәләр.

Скопировать ссылку

(Казан, 9 июнь, «Татар-информ»). Кыргызстанда мәчетләрне ачтылар. Алар яңа төрдәге коронавирус инфекциясе таралуны кисәтү максатыннан, 21 мартта ябылган иде. Бу хакта Анадолу агентлыгы яза.

Бишкәктәге Имам Сарахси исемендәге үзәк мәчеткә килүчеләрнең температурасын үлчиләр һәм битлекләр бирәләр.

Җәмәгать намазы укыганда 1,5 метр ераклыта социаль дистанция саклана.

Кыргызстанның баш мөфтие Максатбек Токтомушев мәчетләрне ачкан өчен хакимияткә рәхмәтен белдерде, диелә хәбәрдә. Токтомушев авыру кешеләргә, яшүсмерләргә һәм хатын-кызларга намазны өйдә укырга киңәш итте.

Бүгенге көндә Кыргызстанда коронавирус йоктыруның 2032 очрагы теркәлгән. 1445 кеше дәваланган, 23 кеше вафат булган.

#коронавирус #Кыргызстан #мәчетләр

Сәхифәләр

Кыргызстанда мәчетләр ачылды