Кыргызстанда 100гә якын мәктәп укучысы дискотекада ис газы белән агуланган
Алты бала бик авыр хәлдә.
Скопировать ссылку
(Казан, 28 декабрь, «Татар-информ»). Кыргызстанда дискотекада ис газы белән агуланган 100гә якын мәктәп укучысы хастаханәгә озатылган, дип хәбәр итә «Интерфакс».
Кичә Кегеты авылында VII һәм VIII сыйныф укучылары мәктәп спорт залында дискотека оештырган. Спорт залында ут булмаганлыктан, алар электр генераторы кулланган. Нәтиҗәдә, залны төтен каплап алган.
75 зыян күрүчене хастаханәгә алып киткәннәр, алты бала бик авыр хәлдә.